[fblike]

Моника Муличковска е млада, талентирана фотографка која пред десетина дена ја отвори својата втора самостојна изложба наречена “Point of view”. Таа ни презентираше циклус од 40 фотографии направени во периодот од 2011 до 2014 година, преку кои се потруди да ни ја пренесе магијата на сите локации кои ги посетила и сите емоции (добри и лоши) кои таа ги почувствувала. Преку овие фотографии имаме можност да отпатуваме во: Индонезија, Бали, Мадрид, Лондон, Токио, Осака, Кјото, Њу Јорк, Барселона, Амстердам и Венеција. Таа ни го претставува филозофското и уметничкото значење на гледањето од различни перспективи и простори, сите како жители на овој свет, но со различна точка на гледање.

Прошетајте го светот низ незините очи и почувствувајте ја неговата магија и убавина. Уживајте.

Изложбата сеуште трае во Галерија 8, Безистен – Стара Чаршија, но за сите вие кои не сте во можност да отидете и да ги погледнете, имате шанса тоа да го направите подоле.