Откриени 10-те најсовршени дестинации за патување во 2016-та

Со доаѓањето на пролетта желбите за патување се повеќе сè зголемуваат. Сонцето и убавото време влијаат позитивно врз луѓето, а тоа го потврдуваат последните научни истражувања на угледни професори од Харвард кои велат дека човекот во пролетните и летните денови многу повеќе размислува за патување и неговите мисли се насочени кон организирање на слободното време кон истражување на нови локации и одмор.

otkrieni-10te-najsovrseni-destinacii-za-patuvanje-vo-2016-ta-1

Токму поради тоа популарниот светски магазин за патувања Travel + Leisure како и секоја година, така и оваа, реши да ги сподели со своите читатели најдобрите дестинации за оваа година.
Пред да ги презентираме 10-те најдобри дестинации за 2016-та, ви препорачуваме од 14-ти до 16-ти април да го посетите Меѓународниот саем на туризам (Травел Маркет) кој се одржува на Скопски Саем и на лице место од 60-те директни и 120-те индиректни изложувачи меѓу кои има туристички агенции, хотели ширум светот и претставници од Србија, Косово, Турција, Грција, Белгија, Хрватска и Италија, да добиете идеја за следното патување.


otkrieni-10te-najsovrseni-destinacii-za-patuvanje-vo-2016-ta-12

Во продолжение ви ги откриваме 10-те дестинации кои ги предложија најпознатите светски туристички новинари, блогери и водичи:

1. Бокас дел Торо, Панамa

Овој популарен регион во Латинска Америка ги поседува едни од најдобрите природни убавини во светот: Густи тропски шуми, распространети савани, корални гребени, прекрасен воден свет и пријатни напуштени плажи. Бокас дел Торо е архипелаг создаден од девет острови и илјадници места за целосна изолација од човечкиот свет. Знаејќи го модерното брзо секојдневие и трката со времето, Бокас дел Торо е топ дестинацијата за оваа година.

otkrieni-10te-najsovrseni-destinacii-za-patuvanje-vo-2016-ta-15

2. Гвадалахара, Мексико

Гвадалахара е вториот најголем град во Мексико и истите важи за културната престолнина на оваа држава. Тој е исполнет со креативност, благодарение на џез сцената, познатиот меѓународен саем на книги, престижниот филмски фестивал и претставувањето на делата на визуелните артисти, а градот има мноштво музеи кои вреди да се посетат, почнувајќи од оној на Фрида Кало, па сè до универзитетскиот музеј. Туристичките водичи велат дека таму нема да ви биде досадно и секогаш ќе останете со подотворени усти од прекрасните работи кои ве очекуваат.

otkrieni-10te-najsovrseni-destinacii-za-patuvanje-vo-2016-ta-6

3. Риџмонд, Вирџинија

Третото место е вистинско изненадување на листата. Кога ќе се спомене САД, веднаш сите помислуваме на Њујорк, Лос Анџелес и Мајами, но сепак како дестинација која се предложува за 2016-та година од САД е главниот град на Вирџинија, кој изобилува со споменици од Граѓанската војна, карактеристична архитектура, интригирачки галерии, но и прекрасни ресторани со вкусна и разновидна храна. Тука може да се проба вистинската американска кујна, но и популарните кујни ширум светот. Најдобрите ресторани во градот нудат интересни јадења за сечиј вкус.

otkrieni-10te-najsovrseni-destinacii-za-patuvanje-vo-2016-ta-10

4. Лил, Франција

Уште едно изненадување по Ричмонд и САД, доаѓаме до Лил и Франција. Наместо Париз, Марсеј, Ница или пак Кан, најпопуларните новинари за патувања го предложија Лил. Со калдрмите, историските згради и доминантните музеи, Лил, кој се наоѓа на еден час од Париз, ги има сите работи за една посакувана туристичка дестинација. Во денешно време, со развојот на модата и уметноста, овој град постојано привлекува туристи. Овде може да пиете кафе во специјализирани продавници и да ги вкусите најдобрите специјалитети на куќата додека уживате во погледот кон плоштадот.

otkrieni-10te-najsovrseni-destinacii-za-patuvanje-vo-2016-ta-9

5. Иран

Со дури 19 градови прогласени за светско богатство од УНЕСКО и неверојатниот развој благодарение на нуклеарниот договор со Советот на ОН, Иран со право спаѓа на оваа листа, иако за многумина и 5-то место е големо изненадување. Сепак, Travel + Leisure не советуваат да го посетиме Техеран и ќе останеме вчудовидени од тоа колку се развил градот во последните години. Исто така, постојат многу културни знаменитости од модерниот Иран кои ќе ви докажат дека и тамошните жители се издигнале на завидно ниво.

otkrieni-10te-najsovrseni-destinacii-za-patuvanje-vo-2016-ta-11

6. Ланај, Хаваи

Некој за Ланај ќе каже конечно вистинско место за прекрасен одмор кое се најде на листата. Без сообраќај и само со една писта за авиони, Ланај е совршено прибежиште за мирен одмор. Сопственикот на островот уште од летото почнал со негово реновирање, па до пролет островот целосно ќе биде освежен и подготвен за нови гости, кои ќе може да уживаат во неверојатната природа.

otkrieni-10te-najsovrseni-destinacii-za-patuvanje-vo-2016-ta-8

7. Хангжу, Кина

За Кина барем поголемиот дел на Европа знае дека треба да се посети Пекинг, Кинескиот Ѕид и Хонг Конг. Сепак, тоа што не го знаете е дека веќе повеќе од еден милениум, уметници, поети, бизнисмени и истражувачи го посетуваат овој кинески град. Благодарение на корисниот пазар и технолошките индустрии, Хангжу е еден од најпросперитетните градови во оваа земја. Секогаш преполниот аеродром, сега веќе има писта за слетување на приватни авиони, а посетителите и жителите се особено задоволни од понудата на луксузните хотели и ресторани. Ако сакате да го почувствувате луксузот, ова е вашата дестинација!

otkrieni-10te-najsovrseni-destinacii-za-patuvanje-vo-2016-ta-7

8. Долина Доуро, Португалија

Португалија е земја која нуди неверојатна убавина. Она што е фасцинантно за Долина Доуро е тоа што ова е првиот официјално назначен вински регион во светот, кој привлекува луѓе не само поради виното, туку и поради неверојатните пејзажи. Низ целата година се организираат разни тури кои ве запознаваат со околината и ве воведуваат во срцето на долината. Поради тоа, доколку сакате вино отидете во Португалија, наместо во Франција.

otkrieni-10te-najsovrseni-destinacii-za-patuvanje-vo-2016-ta-4

9. Франкфурт, Германијa

На листата имаме и град кој е најблиску до нас и до него сме поврзани со директна авионска линија. Многумина мислат дека Франкфурт е град на банки и високи згради, но всушност градот има многу добри ресторани и ноќни барови кои нудат неверојатни забави. Соберете го вашето друштво и насочете се кон главната железничка, во чија близина се наоѓаат најдобрите ноќни клубови.

otkrieni-10te-najsovrseni-destinacii-za-patuvanje-vo-2016-ta-5

10. Асбури парк, Њу Џерси

Во песната „My City of Ruins“ Брус Спрингстин го опиша Асбури парк како градот на затворени прозорци и празни улици. Но, после тоа местото како да почна да живее, благодарение на бројните музички настани. Овде може да најдете продавници за секакви дребулии, но ви се пружи можност и да заиграте на некои флипери и да се навратите во детството.

otkrieni-10te-najsovrseni-destinacii-za-patuvanje-vo-2016-ta-2

Посетено 1.329 пати

Мајка Ти и Татко Ти

Мајка Ти и Татко Ти

Следете не на Фејсбук!