Фидел Кастро, поранешен претседател на Куба и лидер на Комунистичката револуција, почина во деведесетата година од животот, јави државната телевизија во Куба. Кубанскиот револуционер, кој изгради комунистичка држава на прагот на САД и пет децении се спротивставуваше на моќниот сосед, во последниве години беше во лоша здравствена состојба. Тешко се разболе  во 2006 година, а власта ја предаде две години подоцна на неговиот брат Раул Кастро, кој ја објави веста за неговата смрт: “Врховен командант на кубанската револуција, почина вечерва во 22:29 часот.“

Фидел Кастро беше комунистичка икона на 20-от век, а историјата ќе го запамети како лидер кој речиси половина век беше трн во око на големиот американски брат од северот. Тој беше државник кој беше сакан и омразен, му се восхитуваа или стравуваа. Последниот јавен настап го имаше во април на конгресот на Комунистичката партија на Куба. Следните неколку дена ќе бидат прогласен за ден на жалост.