Таквите само одминете ги…

Хејтери имало отсекогаш, а ќе има и во иднина без сомнение.

Во животот потребно е да се фокусираме на оние луѓе што не сакаат, а не тие што не мразат бидејќи првите ни го прават животот поубав, а вторите не можат да ни направат ништо освен да не хејтаат.

Зошто тогаш би им обрнувале внимание воопшто? Нема причина за обрнување внимание, точно!

Но, сепак нивното хејтање има 7 причини кои нас ни одат во прилог и ни ја дигаат самодовербата во небо, а тоа се следните.

Имате нешто што тие го немаат

Кога вие имате нешто што тој кој ве мрази го нема, тоа е доволна причина за неговата омраза. Без разлика дали се работи за нешто материјално или духовно, мало или големо. Тој што сака да си го труе срцето со омраза, секогаш ќе најде причина.

Немаат живот, затоа го мразат вашиот

Некој едноставно нема живот или со други зборови неговиот не е она што посакувал да биде, па затоа го мрази вашиот не знаејќи дека и неговиот може да се подобри, само ако се потруди.

Не можат да бидат како вас

Без разлика дали имате убава професија која работите со ќеиф, стабилна љубовна врска или семејство кое тие го немаат, тие што ве мразат сигурно не можат да бидат како вас. Тие не знаат дека самите се совршени и уникатни на свој начин и треба да се сакаат себеси повеќе, отколку да мразат некој друг.

А сакаат да бидат како вас

Бидејќи не знаат дека не треба да бидат како вас, треба да бидат тоа што се, тие посакуваат да бидат како вас, но не можат, па поради тоа ве мразат.

Вие сте поубави, попаметни, подобри од нив

Не постои најубав, најпаметен, најдобар, секој е убав на свој начин, од паметниот има попаметен, а од подобриот уште подобар. Но, луѓето кои ве мразат не го знаат ова, во нивните очи вие секогаш сте поубави, попаметни и подобри од нив.

Не го правите она што ви го кажуваат

Постојат луѓе кои веднаш ве пикираат како омразена личност на својата црна листа доколку не го правите она што ви го кажуваат или не ги слушате нивните совети.

Таквите секогаш мислат дека се во право, а доколку вие им се спротиставите добивате веднаш непријател.

Едноставно ве мразат

Можеби сите овие причини не се вистинските поради кои некој чувствува омраза кон вас. Постојат луѓе кои не знаат дека омразата е непотребна емоција во животот која не носи позитивен живот.

Таквите може да ве мразат и без да ве запознаат, затоа кога ќе ги забeлежите нивните хејтања, само одминете ги.