Италијанскиот евергрин повторно во Скопје!

Легендарните патики „суперга“ повторно на нашите улици.

Патиките „суперга“ пред 20-тина години се носеа и во Скопје, а ги донесоа оние што во тие времиња често патуваа во тогашната најпосакувана шопинг дестинација – Трст.

Американците пак ги “открија” бајаги покасно и ги нарекуваат новите „старки“, затоа што кога се платнените патики во прашање, „конверс“ долго време претставуваа стандард.

Сепак, оваа пролет италијанскиот бренд „суперга“ на голема врата се враќа на модната сцена. Можностите се многубројни , а палетата на бои разновидна. Овие модели одлично се вклопуваат во опуштена спортска варијанта, но и во нешто поелегентен аутфит – извонредно се комбинираат и со мини и макси летни фустани.

Брендот е основан уште во 1911 година во италијанскиот град Торино и отсекогаш бил синоним за секојдневен италијански шик.

Познатата манекенка Алекса Чанг ги носи со романтичен фустан, британската водителка Фирн Котон преферира пинк верзија со широки фармерки и сако, а Кели Брукс своите бели „суперга“ ги комбинираше со жолт џинс.

[youtube height=”HEIGHT” width=”WIDTH”]https://www.youtube.com/watch?v=LGvr9u4f8GI[/youtube]

Кога во текот на 1990-тите години овие патики се обидоа да извршат повторен пробој на модната сцена, трендот диктираше само бели и тегет морнарски модели.

Денес ги има во сите нијанси. Произведени од цврст чист памук и природна гума од сезона во сезона се преоблекуваат во најновите трендови. Пролетва ги има дури и со металик ефекти, со поголема доза на спортски ентузијазам, во сребрена и златна нијанса.

Моделите на SUPERGA можете да ги набавите во продавниците на OFFICE SHOES во Скопје

 Стара, а добра реклама за SUPERGA

[youtube height=”HEIGHT” width=”WIDTH”]https://www.youtube.com/watch?v=RcwGg0dOHrg[/youtube]