[fblike]
Новак го собори рекордот според заработка – 21,6 милиони долари

Првиот светски рекет, синојќа во Лондон испиша нова страница
од историјата на машкиот тенис со што ја потврди својата доминација
во оваа календарска година.

Од јануари до ноември 2015-та Новак Ѓоковиќ успеа да освои 11 турнири, а за крај на својата година за паметење го остави завршниот Мастерс во Лондон на кој синоќа ја освои својата четврта титула во низа.

Во големото финале, кое на крајот и не испадна толку големо, првиот светски рекет му се реваншираше на Роџер Федерер за поразот во групната фаза и со 2:0 во сетови (6:3, 6:4) го освои својот вкупно петти трофеј во Лондон. Турнир на кој само Федерер има повеќе со своите шест титули.

Со овој триумф Србинот меѓусебниот скор со Швајцарецот го изедначи на 22:22 во пресметката на двајцата тенисери во чиј знак помина оваа 2015-та. Година во која Ѓоковиќ одигра дури 15 финалиња освојувајќи притоа три грен слем титули, шест Мастерси и турнири од серијата 500 за конечен скор од 82 победи и шест порази.

[youtube height=”400 px” width=”100%”]https://www.youtube.com/watch?v=_ZUF2Yoycfg[/youtube]