Боговите им помагаат на
оние кои работат! (Латинска поговорка)
Сакаш да кажеш нашиве стечајци треба да се
откажат од Бога!?

Досадата е болест на среќните луѓе.
Несреќните никогаш не се досадуваат
затоа што се презапослени. ( Ками)
Во Македонија среќните луѓе се
создадени од нашите живи несреќи!

Работата го заблажува животот, но
не сакаат баш сите колачи . (Кестнер)
Изгледа дека ние имаме многу шеќераши!

Честопати не знаеме ниту што работиме
а камоли дали добро работиме. ( Иван Раос)
Слушате Вие, драги мои политичари!??

Луѓето со задоволство се запослуваат
за да не мораат да работат. ( Јан Хербен)
Нема кај нас тоа…само 3000 од една партија
во последниов месец!

Кога работата е присилна,
животот е робија! (Горки)
Јас мислам дека авторот не е Горки туку
една наша текстилна работничка .

Дај повеќе одмор на јазикот
отколку на рацете. (Толстој)
Ете Лав(Ф)е, денеска те послушав!