Несвесното чкртање додека правите нешто друго, кажува каква личност сте

Колку пати се ви се случило да земете лист хартија и да цртате
форми и чкртки, додека зборувате на телефон или ви е досадно
на некое предавање? И притоа, секогаш цртате исти работи
– кругови, коцки, шаховски табли, очи, итн.

Татијана Јуфит – Tatyana Yufit член на Британската академија на графолози, (графологијата е вештина која донесува заклучоци за личноста врз основа на нејзиниот ракопис) тврди дека несвесното цртање фигури и шарање на лист хартија пред нас, е контролирано од потсвеста и открива што го мотивира нашето однесување. Еве што значат вашите чкртки:

Очи

Цртањето големи очи значи дека сте отворена личност, додека затворени може да укажуваат на одбивање да се погледне во себе.

Фигури на луѓе

Ако цртате мали фигури на луѓе, тогаш најверојатно се чувствувате несигурно и беспомошно или пак сакате да побегнете од обврските. Цртањето обични фигури налик „чика глиша“, тогаш емотивно нестабилни.

Вашиот потпис

Ако постојано го пишувате својот потпис додека несвесно шкртате додека разговарате, значи дека сте егоцентрични, арогантни и нарцисоидни.

Кругови, спирали, бранови

Цртање кружни форми, поврзани заедно или нацртани еден во друг, претставуваат желба за припаѓање, потреба за пријател или внимание. Доколку пак цртате брановидна форми, значи дека проблемите на другите не ве интересираат. Можно е да сте во фаза на емотивна криза.

Квадрати, дијаманти и останати геометриски форми

Имате јасно одредени цели и верувања и ретко го задржувате мислењето за себе. Упорни и тврдоглави.

Шаховски табли

Пред скоро време сте се нашле во незгодна ситуација. Ако овие цртежи се постојано присутни, значи дека најверојатно се соочувате со проблеми и ситуации кои што не можете да ги решите, или пак се обидувате да се пронајдете себеси и вашата цел во животот и имате сомнежи дали сте на вистинскиот пат.