Менхетен, најверојатно ќе биде запаметен како место по коктелот “Cosmopolitan” благодарение на серијата Сексот и Градот, но
жителите на Менхетен уживаат во многу други работи …

Зафатените њујорчани од овој популарен и трендовски дел на градот обожаваат кафе. Ретко кога може да прошетате по улиците на Њујорк, а да не видите барем еден човек кој грчевито ја држи свјата шоља кафе. Па, љубителите на овој пијалок кој утрото им го прави многу полесно имаат причина за радост. На Менхетен наскоро ќе биде отворен најголемиот Starbucks на светот.

Овој гигантски производител на кафе ќе ја отвори својата најголема кафетерија на Деветтата авенија во Њујорк, која е многу популарна кај младата популација. Просторот ќе има два ката и околу 2.000 м2, а ќе вклучува пржилница и производството на кафе, како и продажба која ќе биде инспирирана од страна на првата Starbucks Reserve пржилница и соба за дегустација од Сиетл.

“Нашата пржилница за кафе од Сиетл ни даде можност да создадеме искуство кое до сега не постоело – продажниот простор ќе бифе претворен во нешто многу повеќе од обична кафетерија и поради тоа ние сме убедени дека ова ќе биде најдоброто доживување за сите љубители на кафе”, изјави Хауард Шулц од  компанија Старбакс. “Во Њујорк, ние ги земаме елементите кои изворно потекнуваат од другите градови и ги претворуваме во нешто поголемо и похрабри, славејќи го кафето и производството на кафе на еден сосема нов и уникатен начин.”

Инаку, нивниот нов простор ќе го дизајнира Rafael Viñoly и отворање е закажано за 2018 година.