Дали овој едноставен пронајдок може да го спаси светот?

Што велите на тоа пластичниот прибор засекогаш да го замените со прибор кој би се јадел? Звучи одлично, особено од гледна точка за грижа и зачувување на животната средина, бидејќи светот се гуши во пластика која што при депонирање испушта штетни материи во почвата. Новиот прибор што се јаде и природно се разложува, е решение за овој горлив проблем со кој се соочува планетата.

Овој пронајдок доаѓа од Индија, поточно од Нарајана Писапати – Narayana Peesapaty, кој во 2011 година го создал приборот што се јаде, а денес е брендиран под името Bakeys. Тој истакнува дека неговиот производ е многу хранлив и има рок на траење од три години.

Приборот не содржи конзерванси, туку е исушен и третиран на ист начин на кој се прави сушено овошје. Составен од  пченица, ориз, просо, и е достапен во повеќе вкусови.

Доколку ја употребите лажицата на Bakeys при јадење, но не ја изедете, таа ќе се разложи за помалку од една недела. Исто така, таа е доволно компактна со неа да се јаде, да речеме, врела супа. Останува да се види дали овој пронајдок засекогаш ќе го замени пластичниот прибор.

Во прилог, погледнете го ВИДЕОТО: