Карантински песни на Јовица Ивановски – Пандемска

Пандемска

Карантински дневници.
Малку фискултура и хоби.
Домаќинките отсекогаш
работеле од дома.
Џез-класици или Пајдушко.
Пандемијата им дава втора
шанса на недочитаните книги.
Имунитетот и алкохолот –
се ближи крајот на светот.
Здравата храна е безвкусна.
Задникот може и да се измие.
Џабе масло доколку немаме
што да пржиме во него.
(На Италијанците би можеле да
им донираме само макарони.)
Се ближи полицискиот час.
Да си останеме дома, зашто
снајперот на вирусот може
да нè погоди во секунда.
Добро е сè додека имаме маски,
ракавици и револвери.

22.03.2020 

Посетено 163 пати

Мајка Ти и Татко Ти

Мајка Ти и Татко Ти

Следете не на Фејсбук!