[fblike]
Свадбената линија на лондонската  дизајнерка

Лондонската дизајнерка Hermione de Paula,  која со своите уникатни принтови освои имиња како Beyoncé, Florence Welch, Rita Ora и Daphne Guinness, однеодамна почна
да создава уникатни венчаници

Првата венчаница ја создава во 2013 година за една летна венчавка во јужниот дел на Франција. Фустанот беше право уметничко дело – транспарентна површина рачно извезена со омилените цветови на младата, глицинија и лаванда, а додатно е персонализирана со скриени пораки кои се извезени помеѓу цвеќињата и лисјата. Пораките кријат значајни датуми, имиња на блиски луѓе  или било што клиентката сака засекогаш да го вплете во својот “најважен фустан”.

De Paula во блиска соработка со своите клиентки ја надминува естетската  улога  која често е најважна при изборот на венчаница. Го крева самиот концепт на венчаницата на едно ново ниво, кое потоа од материјално преоѓа во сентиментално и така несомнено лансира нов тренд во облеката за свадби.