Не го одминувај гладниот, ќе го познаеш по погледот, не врти ја главата настрана кога ќе го здогледаш босиот, не ги затварај очите кога ќе те заболат нечии солзи… За трошка лепче, и малку љубов..

Не го затворај срцето во темни зандани само за да им служиш на Богохулењето и ниските страсти…

Не ги менувај навиките за никого, тоа е твој живот, твој светол храм каде ја одмораш својата душа..

Не му служи никому, бидејќи никој не е господар на овој земен свет. Бог е над сите нас, и никој нема право да се величи пред него…

Денес најди време и начин да подадеш рака на тој што му треба, да го поделиш лебот со тој што е гладен, да се насмееш на тој што е тажен, да подариш љубов таму каде што треба….

Половина од сликите што ги ставаме на „ФБ“ се фотомонтажа на среќа, љубов, и благосостојба…

Бидете блажени во душата, дарувајте сакајте искрено од срце..

Бог го препознава тоа, а сиромашните се први кај него бидејќи имаат најбогат дух…

АМИН…

Оливера Ширговска