Првото кафе мора да ми биде турско без шеќер.  После првата голтка ритуално ја палам и првата цигара и така едно 30 години.  Е сега мора да си признаам, пред три месеци ме прелажаа да земам електронска цигара…ѓоа било здраво . 20 години на лекар не бев пошол, коа после месец дена пушење таква електронска цигара, добив запалење плуќа…месец дена не можев да се опраам. Сеа може не било од тоа, ама викаат: “случајности нема“.

Башка се уплашив да не се навлечам на електронската, оти еве викаат ќе измислеле електронско кафе, само пареата ја вдишуваш…и не дај боже ако исмислат и електронска ракија, само вдишуеш и ем си пијан, ем здраво било, демек! И гарант на крај ќе направат електронска 3 in 1  цигара, кафе и ракија, за да имаш обесено само еден, а не три електронски артикли околу врат.

Пороците се убави кога се конзумираат по природен, а не по електронски пат.  

Имајте убав ден.