Новата колекција на Dior, лакови за нокти  Vernis Couture Effet Gel Collection е составена од 21 нијанса, а на вашите нокти ќе стори гел ефект.

Речиси 50 години по лансирањето на својот прв лак за нокти, француската модна куќа Диор реши да ја смени неговата формула и да креира нова колекција лакови Vernis Couture Effet Gel кои даваат ефект на гел како оној што можете да го добиете во козметичкиот салон. Новите бои имаат сјаен “стаклен” одсјај, но и голема издржливост, која ја обезбедува формулата збогатена со органски силикон. Поради тој состав , лакот подобро се лепи на површината на ноктот и токму поради тоа вашиот маникир ќе изгледа беспрекорен, а љубителите на органска козметика ќе бидат задоволни бидејќи 80% од составот е природен.

Сменета е дури и четкичката која сега е повитлива, подолга и позаоблена. Ја зафаќа само потребна количина на лакот и прецизно ги следи контурите на вашиот нокт. Новата колекција се состои од 21 нијанса, а меѓу нив ќе се најдат класичните но и некои нови бои.