Ќе наидеш на луѓе кои едвај ќе чекаат да згрешиш, за да те засрамат пред сиот свет, но…

Ќе наидеш на луѓе кои едвај ќе чекаат да згрешиш, за да те засрамат пред сиот свет.
Но, ќе наидеш и на такви што ќе те натераат од таа грешка да ја извлечеш најголемата поука, ќе ти подадат рака и ќе ти помогнат да станеш.

Ќе наидеш на луѓе кои ќе те гледаат на потсмев и едвај ќе чекаат прилика за да те исмеат пред сите.
Но, ќе наидеш и на такви кои ќе им ги затворат устите на оние првите.

Ќе идеш на луѓе кои нема никогаш да го ценат доволно или целосно твојот труд.
Но, ќе наидеш и на такви кои ќе веруваат во тебе и тогаш кога имаш само површни идеи.

Ќе наидеш на луѓе кои нема да ти веруваат и нема да се трудат да ти поверуваат.
Но, ќе наидеш и на такви кои се’ ќе сторат за да ја добијат твојата доверба.

Ќе наидеш на луѓе кои никогаш нема можеби да ти доделат признание.
Но, ќе наидеш и на такви кои едвај ќе чекаат прилика да ти се заблагодарат или да те пофалат.

Ќе наидеш на луѓе кои молкум ќе се радуваат на твоите неуеспеси.
Но, ќе наидеш и на такви кои ќе ти станат буквално рамо за плачење и центар за социјална и психолошка поддршка.

Ќе наидеш на луѓе кои ќе ја гледаат само твојата лоша страна.
Но, ќе наидеш и на такви кои и во твојата најлоша страна ќе ги наоѓаат позитивните работи.

Ќе наидеш, ќе наидеш затоа што е неизбежно. И ќе ги среќаваш секаде. Дел од нив ќе ти станат фамилија или веќе се дел од неа, дел од нив ќе ги сретнеш во некоја образовна институција, во некоја работна организација. И ќе бидеш повторно среќен, затоа што каде се првите, таму се и оние вторите. Не заборавај…

Марија Прличкова

©majkatiitatkoti.com  Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

Посетено 4.419 пати