За многу години

[fblike]
Запознај ме со твоите,
ќе видиш…
ќе им се допаднам повеќе од што мислиш.
Зошто не ме запознаеш со мајка ти…
Знам да слушам кога се гледа на кафе,
знам да ги кревам нозете кога се усисува,
знам да не сум дома кога се прави генералка.
Ајде пробај што те кошта,
запознај ме со татко ти…
Ќе му ја местам дизалицата
кога ќе менува гума.
Ќе му ги покажам
најефтините тезги
на Циганпазар.
Може да му се допадне
како ја мавам првата на екс,
може ќе го фасцинира
како удирам по маса.
Ајде запознај ме со твоите, не биди таква…
Ќе ги носам на утакмици,
Ќе им купувам боза,
Ќе им најдам карти за театар.
Ќе ги викам “Баба” и “Дедо”!
Запознај ме со твоите,
ќе видиш…
ќе ги збуни сознанието,
колку многу те сакам!
Посетено 1.534 пати