Рамнодушност

kniga-na-veter-pocetna-majkatiitatkoti
Се појави неосетно
како наслага на годините
како подарок подбрадок
или како заслужен стомак
болеста наречена рамнодушност
кон сè што некогаш значело нешто
од предизвик до радост па гадост
од учење и потрага до заталканост
па преку спознавање и искусување
до неумислено непаметење
сега опуштеност па затапеност
некоја исцелителна летаргија
без очекувања и надевања
без никакви изненадувања
без самозалажувања
со исконски стремеж за дремеж
во сенките на дрвјата разлистени
како отворени книги на ветер.
2006.
(Посетено 295 пати, 1 денес)
Јовица Ивановски
Автор
Јовица Ивановски на Facebook

Поврзани Статии

Оставете одговор

*