[fblike]
Празничен дух

Ромео Бекам несомнено е главна ѕвезда на оваа кампања која е посветена на 15-годишнината од мјузиклот “Billy Elliot”

Во божиќната приказна потпишана од Кристофер Бејли се најдоа многу познати личности. Сер Елтон Џон ја напиша музиката за мјузиклот “Billy Elliot” кој оваа година слави 15 години, а пред премиерата, која се одржа на 3 ноември во лондонскиот “Victoria Palace Theatre”, Кристофер Бејли ја искористи можноста за да состави тим и на тој начин да оддаде почит на претставата. Актерката Џули Волтерс, која ја играше улогата на учителката по балет  на младиот Били Елиот во оригиналниот филм, Наоми Кембел, Џејмс Бејли и Мишел Докери се само некои од славните личности кои ја заокружија божиќната приказна. Покрај интересните фотографии не можеме да не ја забележиме прекрасната црвена наметка како ни црвениот свечен фустан со отпечатоци од палми. Многу деликатен фустани чиј процес на креирање траеел повеќе од 600 часа, а на Наоми и прилега совршено.

Ромео Бекам кој ја сака модата, но и камерите одлично се снајде и на ова снимање. Не постои сомнеж дека тој стана вистинска мала ѕвезда. Марио Тестино уште еднаш маестрално си ја заврши работата, а нас ни преостанува да уживаме во бајката. И да се потсетиме на класикот “Били Елиот”.