Скопје-терсене град

Скопје, градот кој сите сакаат да го мразат.
Незнам зошо!?
Убаво е нашево Скопје.
Град со големи булевари, со убави трговски
центри, со прекрасни театри, галии во Вардар, Водно на
дофат, Матка ене ја…
Убаина невидена. Штета шо е малку на страна.
Дури 100 км. од Кавадарци.
А убаините, терсене.

Скопје е град у кој коли се паркираат на
тротоар а пешаците се движат по улица.

Скопје е град у кој часовниците кои треба да
работат не се поправаат а сакаат да поправат
часовник кој не треба да работи.

Скопје е град у кој се градат плажи на места
кај шо е забрането бањањето.

У Скопје политичарите глумат,
глумците тераат политика.

Прошетај низ Скопје и можеш да видиш мајмуни и
жирафи по бандери, волови во кола, бикови на
улица, крави на штикли, квадратни лавови и
сето тоа без користење на опијати.

Скопје е град на трговски центри.
Не смееш да кажеш дека мајка ти е Скопјанка
зошо може да те прашаат: Колку улази има?

На семафор у Скопје оние шо возат право увек се
паркираат за десно.

У Скопје, со Закон е забрането користење на најлонски
кеси освен…ако си ја платиш 2 денари.

…

Чудно нешо му се случуе на мојов град.
Старее!
Еден ден ќе биде, градот наречен Заборав.
Сличен на старец.
Единствена мана шо старее побргу од мене.
Ме предаде!