Поголема чинија значи повеќе калории


И покрај тоа што е модерно храната да се служи во големи чинии, сепак, во домашни услови потрудете се да ја избегнете оваа навика.


Научниците од универзитетот во Кембриџ, спроведоа истражување кое што ги испитуваше помалку познатите фактори кои може да влијаат за зголемување на килограмите, како големина на чинијата и количината на јадењето. Со истражувањето се откри дека колку е поголема чинијата, толку повеќе храна се внесува. Овој податок се однесува и на оние кои што се грижат за својата исхрана и внимателно ја одбираат храната.

Доколку започнете да внимавате и планирано да ја сервирате храната во помали чинии, дневниот внес на калории ќе го намалите за 12 до 16 проценти, односно, ќе внесувате околу 280 калории помалку секој ден.

Исто така, истражувачите дојдоа до нови податоци кои што открија дека прекумерното јадење, а со тоа и прекумерната тежина, не се резултат само на психолошки фактори, туку делумно и резултат на ваков вид на навидум неважни причини на кои не им обраќаме поголемо внимание во текот на денот.

Посетено 157 пати (1 денес)

Pharmanews.mk

Pharmanews.mk

Pharmanews.mk е портал кој обработува поширока тематика во доменот на медицина, фармација, исхрана и сл. и е наменет за широка публика која се интересира за своето здравје и исхрана со посебен фокус на медицинските работници.